Tibeb now tizita

ቅኔ ነው ትዝታ ዜማ ነው ትዝታ
ጥበብ ነው ትዝታ ህይወት ነው ትዝታ
ዞረው የሚኖሩት የናፈቁ 'ለታ
ዞረው የሚኖሩት የናፈቁ 'ለታ

ህይወት እና ተስፋ ምኞት እና ዕውነታ
ሥራ እና አጋጣሚ ኑሮ እና ዕጣ ፈንታ
መንፈሥ እና ሥጋ የተዋጉ 'ለታ
አልፎ 'ሚያጌጡበት ጥበብ ነው ትዝታ
አልፎ 'ሚያጌጡበት ጥበብ ነው ትዝታ
ታሪክ እንደ ቀለም ዘመን እንደ ሸራ
ስለው ያስቀመጡት የህይወት አሻራ
በዕድሜ የሸመኑት በጊዜ በቦታ
አልፎ 'ሚያጌጡበት ጥበብ ነው ትዝታ
አልፎ 'ሚያጌጡበት ጥበብ ነው ትዝታ

ትናንትናችንን በዛሬ አስታውሼ
በዘመን ቁልቁለት የኋሊት ፈስሼ
ከፈለቅንበት ጋራ ስር ደርሼ
ህይወትን ከምንጯ ጠጣሁ ተመልሼ
ህይወትን ከምንጯ ጠጣሁ ተመልሼ

ቅኔ ነው ትዝታ ዜማ ነው ትዝታ
ጥበብ ነው ትዝታ ህይወት ነው ትዝታ
ዞረው የሚኖሩት የናፈቁ 'ለታ
ዞረው የሚኖሩት የናፈቁ 'ለታ
ትናንትናችንን በዛሬ አስታውሼ
በዘመን ቁልቁለት የኋሊት ፈስሼ
ከፈለቅንበት ጋራ ስር ደርሼ
ህይወትን ከምንጯ ጠጣሁ ተመልሼ
ህይወትን ከምንጯ ጠጣሁ ተመልሼ

በዕድሜ ያላደፈው ፍቅርሽን ናፍቄ
ከጊዜ ኩነኔ የኋሊት 'ርቄ
ሰማያዊ ፍቅር ከልብሽ ጠልቄ
ዳግም በጥበብሽ ነፃሁ ተጠምቄ
ዳግም በጥበብሽ ነፃሁ ተጠምቄ

ቅኔ ነው ትዝታ ዜማ ነው ትዝታ
ጥበብ ነው ትዝታ ህይወት ነው ትዝታ
ዞረው የሚኖሩት የናፈቁ 'ለታ
ዞረው የሚኖሩት የናፈቁ 'ለታ