Takipsilim

Sa isang pikit nagbago ang lahat
Naglaho ang lahat sa paligid
Lahat ng sakit na naramdaman
Agad napalitan ng pag-ibig

'Di inakalang ika'y mahahanap
Ng pusong nawawala sa mundong ibabaw
Ika'y hahanapin kahit madilim
Ikaw ang hiling na makasama sa takipsilim

Sa bawat bituin at lahat ng buwan
Kanilang naririnig ang 'yong pangalan
At kada pintig ng puso ay ikaw
Ang nilalaman at dahilan

'Di inakalang ika'y mahahanap
Ng pusong nawawala sa mundong ibabaw
Ika'y hahanapin kahit madilim
Ikaw ang hiling na makasama sa takipsilim

Dalawang diwa, isang kalawakan
'Di makakaila ito ay kapalaran
Isa, dalawa, tatlong bilyon ang makilala
Tanging kamay mo lang ang aking hahawakan

'Di inakalang ika'y mahahanap
Ng pusong nawawala sa mundong ibabaw
Ika'y hahanapin kahit madilim
Ikaw ang hiling na makasama sa takipsilim

Aking tanging hiling
Ang makasama ka sa takipsilim
'Di mailihim ang pagtingin
Lahat ng nasa isip aking sasabihin

'Di inakalang ika'y mahahanap
Ng pusong nawawala sa mundong ibabaw
Ika'y hahanapin kahit madilim
Ikaw ang hiling na makasama sa takipsilim

Ikaw ang hiling na makasama sa takipsilim