Scetate

Si duorme o si nun duorme, bella mia
Siente pe 'nu mumento chesta voce
Chi te vo' bene assaje sta 'mmiez'â via
Pe te cantà 'na canzuncella doce

Ma staje durmenno, nun te sî scetata
'Sti ffenestelle nun se vonno aprì
È 'nu ricamo 'sta mandulinata
Scétate bella mia, nun cchiù durmì

'Ncielo se so' arrucchiate ciento stelle
Tutte pe stà a sentì chesta canzone
Aggio 'ntiso 'e parlà li ttre cchiù belle
Dicevano: "Nce tène passione"

È passione ca nun passa maje
Passa lu munno, essa nun passarrà
Tu, certo, a chesto nun ce penzarraje
Ma tu nasciste pe mm'affatturà