Uocchie c' arraggiunate

'St'uocchie ca tiene, belle
Lucente ccchiù d' 'e stelle
So' nire cchiù d' 'o nniro
So' comm'a dduje suspire
Ogne suspiro coce
Ma tene 'o ffuoco doce
E, comme trase 'mpietto
Nun lle dà cchiù arricietto

E chi ve po' scurdá
Uocchie c'arraggiunate
Senza parlà?
Senza parlà?
A me guardate, sì
E stàteve 'nu poco
Comme dich'i'
Comme vogl'i'
Comme sacc'i'
Comme sacc'i'

So' nire, cchiù sblennente
'E ll'ebano lucente
Comm'a 'na seta fina
So' ll'uocchie 'e Cuncettina
Sempe ca 'e ttèngo mente
'Nnce trovo sentimente
Pecché nce sta 'nu vezzo
Ca i' guardo e ll'accarezzo

E chi ve po' scurdá
Uocchie c'arraggiunate
Senza parlà?
Senza parlà?
A me guardate, sì
E stàteve 'nu poco
Comme dich'i'
Comme vogl'i'
Comme sacc'i'
Comme sacc'i'

Sciure e frónne addirose
Nun cerco tanta cose
Né 'a cchiù bella guagliona
Si è ricca, mm'appassiona
Ma tutt' 'a simpatia
Ma tutt' 'a vita mia
Mme giova o mm'arruvina
So' ll'uocchie 'e Cuncettina

E chi ve po' scurdá
Uocchie c'arraggiunate
Senza parlà?
Senza parlà?
A me guardate, sì
E stàteve 'nu poco
Comme dich'i'
Comme vogl'i'
Comme sacc'i'
Comme sacc'i'