Bjamel Nas

بجامل ناس وبضحك عادي واتكلم
كإني مافيش في قلبي وجع وبتألم
وبتعامل كإني سليم وعال وتمام
وراضي بجرحي يمكن منه أتعلم

ولو فضفت يعني الناس هيهتموا
ده كل واحد شايل ومعبي من همه
وجواه جرح يمكن زيي ومخبيه
تشوفه الناس تقول مبسوط ويتخموا

وبتظاهر ماهو الظاهر ما بيبينش إيه جوة
وفي الأيام دي لو شاطر تخبي الدمعة بالقوة

ده أقرب حد لو شافك
بتبكي هيبكي أضعافك
وهيطبطب على اكتافك
وهيقول لك مسيرها تروق

فأحسن حاجة تتجمل
في سكة كذبتك كمل
وخبي الدمعة واتحمل
وضعفك ما يشوفوش مخلوق

بحاول أبان سعيد دايما وبتعمد
وبعرف إمتى أخلي مشاعري تتجمد
آه بمثل طب وايه يعني أما اكون كذاب
عشان ما يبانش حزني وقلبي متعود

أهو أحسن ما أشكي وأضعف وأبكي وأتكسر
ومش مستني حد بجرحي يتأثر
سيبوا اللي في قلبي مِدَّاري في خروجه عذاب
ساعات الضعف في الأيام دي بيخسَّر

وبتظاهر ماهو الظاهر ما بيبينش ايه جوة
وفي الأيام دي لو شاطر تخبي الدمعة بالقوة

ده أقرب حد لو شافك
بتبكي هيبكي أضعافك
وهيطبطب على اكتافك
وهيقول لك مسيرها تروق

فأحسن حاجة تتجمل
في سكة كذبتك كمل
وخبي الدمعة واتحمل
وضعفك ما يشوفوش مخلوق