Kanneerppoovinte

കണ്ണീർപ്പൂവിന്റെ കവിളിൽ തലോടി
ഈണം മുഴങ്ങും പഴമ്പാട്ടിൽ മുങ്ങി

കണ്ണീർപ്പൂവിന്റെ കവിളിൽ തലോടി
ഈണം മുഴങ്ങും പഴമ്പാട്ടിൽ മുങ്ങി
മറുവാക്കു കേൾക്കാൻ കാത്തു നിൽക്കാതെ പൂത്തുമ്പിയെന്തേ മറഞ്ഞു
എന്തേ പുള്ളോർക്കുടം പോലെ തേങ്ങി
കണ്ണീർപ്പൂവിന്റെ കവിളിൽ തലോടി
ഈണം മുഴങ്ങും പഴമ്പാട്ടിൽ മുങ്ങി

ഉണ്ണിക്കിടാവിന്നു നൽകാൻ അമ്മ നെഞ്ചിൽ പാലാഴിയേന്തി
ആയിരം കൈ നീട്ടി നിന്നു
സൂര്യതാപമായ് താതന്റെ ശോകം
വിടചൊല്ലവേ നിമിഷങ്ങളിൽ ജലരേഖകൾ വീണലിഞ്ഞു
കനിവേകുമീ വെൺമേഘവും മഴനീർക്കിനാവിയ് മറഞ്ഞു
ദൂരെ പുള്ളോർകുടം കേണുറങ്ങി
കണ്ണീർപ്പൂവിന്റെ കവിളിൽ തലോടി
ഈണം മുഴങ്ങും പഴമ്പാട്ടിൽ മുങ്ങി

ഒരു കുഞ്ഞു പാട്ടായ് വിതുമ്മി
മഞ്ഞു പൂഞ്ചോലയെന്തോ തിരഞ്ഞു
ആരെയൊ തേടി പിടഞ്ഞു
കാറ്റുമൊരുപാടു നാളായലഞ്ഞു
പൂന്തെന്നലിൽ പൊന്നോളമായ് ഒരു പാഴ്കിരീടം മറഞ്ഞു
കദനങ്ങളിൽ തുണയാകുവാൻ വെറുതെയൊരുങ്ങുന്ന മൗനം
എങ്ങോ പുള്ളോർകുടം പോലെ വിങ്ങി
കണ്ണീർപ്പൂവിന്റെ കവിളിൽ തലോടി
ഈണം മുഴങ്ങും പഴമ്പാട്ടിൽ മുങ്ങി
മറുവാക്കു കേൾക്കാൻ കാത്തു നിൽക്കാതെ പൂത്തുമ്പിയെന്തേ മറഞ്ഞു
എന്തെ പുള്ളോർക്കുടം പോലെ തേങ്ങി