Eioni Teshoof

عيوني تشوف بس القلب ما شافك
أشوف والقلب يجبرني على الصدة
جروحي وملتك والخاطر وعافك
ما عافك الخاطر إلا واصلٍ حده
ما عاد أبي لك عذر وقت العذر طافك
جيتك أودع زمن ما جيتك أرده

تجفاني أجفى، تحب أحبك اضعافك
عودت قلبي كذا في اللين والشده
العاشق اللي رسى عمره على ضفافك
لو راح عذره معه لو كان ما وده
الله لو كان قلبك يشبه أوصافك
ما كان شفت الوصل دمعه على خده

سلمت لك مركبك، بحرك ومجدافك
حس بشعور الفراق اللي بلا رده
البادي أقسى وانا ما ادور انصافك
يمديك تندم علي لا طالت المدة
بأمشيك يا سكة الفرقا ولا اخافك
وان كان دربك طويل، خطوتي قده